Zbardhen emrat/ Ja kush janë 842 fituesit e kredisë së butë

842 aplikantë për kredi të butë pranë Bashkisë së Tiranës kanë rezultuar fitues. Lista fituese u miratua në bllok një ditë më parë nga Këshilli Bashkiak.

Thirrja për të aplikuar për kredi të butë u hap më 15 Shkurt të këtij viti. 2 074 aplikantë dolën fitues në fazën e parë, ndërsa në fund, pas dorëzimit të dokumenteve të mëtejshme nga aplikuesit dhe shqyrtimit të tyre, në fazën finale rezultuan fitues 842.

Fituesit mund ti drejtohen tre bankave në vend të marrë ofertën që i përshtatet më mirë kushteve të tyre dhe në pas të vijojë procedurat me bankën që përzgjedhin vetë. Kontrata e kredisë që do të lidhë qytetari do të jetë me interes fiks për pjesën që i takon qytetarit deri në 3%, ndërsa luhatjet mbi këtë normë interesi janë në ngarkim të buxhetit të shtetit. Kontrata e kredisë do të jetë në varësi të moshës së aplikantit dhe do të përcaktohet rast pas rasti nga bankat. Konkretisht, Banka Kombëtare Tregtare do të ofrojë afatin maksimal të kredisë për një periudhë 420 muaj dhe Bankat Intesa San Paolo dhe Raiffeisen, për një periudhë 360 muaj.

Shuma që përfitojnë fituesit është në varësi të aplikimit fillestar që kanë bërë pranë bashkisë.

LISTA E FITUESVE