Partia Demokratike akuzoi sot kryebashkiakun e Tiranës, Erion Veliaj se do të ju marrë më shumë para bizneseve në vitin 2021.
Përfaqësuesi i PD-së, Mateo Spaho me anë të një deklarate për media, ka bërë llogarinë dhe ka treguar me fakte se si bashkia e kryeqytetit do të ju marrë më shumë taksa qytetarëve dhe bizneseve gjatë vitit të ardhshëm.
“Prej 5 vjetësh, banorët e kryqytetit paguajnë taksat më të larta në vend, por nuk marrim pothuajse asgjë mbrapasht si investime për për permirësimin e cilësisë së jetës.
Edhe për vitin e ardhshëm, Erion Veliaj ka ndjekur të njëjtën skemë. Më shumë taksa për qytetarët dhe bizneset, më pak përfitime për ta.
Këtë vit ka marrë nga xhepat tanë 113 milionë euro.
• A kemi ne shkolla dhe kopshte më të mira? Jo! Madje kemi më pak.
• Kemi ujë të pijshëm 24 orë? Nuk kemi.
• Kemi ne shërbim publik urban më të mirë? Askush nuk e thotë këtë.
• A ka në Tiranë më shumë gjelbërim? Përkundrazi. Ka më shumë beton.
• A është Tirana më e pastër me kaq shumë taksa sa na merr Erion Beliaj ne? Aspak më e pastër. Incineratori është më i pasur.
• A është shtruar ndonjë rrugë e re që i shërben hjithë qytetit apo të jenë mbyllur disa rrugë në lagjet e Tiranës? Mjafton të dalësh me një kamera për të parë se infrastruktura është skandaloze”, tha Spaho.
Në vijim ai shtoi se me projektbuxhetin e vitit 2021 Erion Veliaj llogaritet të marrë nga xhepat e qytetarëve dhe bizneseve rreth 120 milionë euro.
“11 milionë euro do t’u merren më shumë bizneseve dhe qytetarëve për tarifën e pastrimit.
5 milionë euro më shumë do të detyrohen bizneset të paguajnë për taksën mbi pasurinë e paluajtshme.
Edhe 5 milionë euro të tjera do të marrë Erion Veliaj nga gjobat. Ky xhep i Erion Veliakt mbushet kryesisht me gjobat për parkimin. Tirana është sot qyteti më i pajetueshëm në lidhje me parkimet.
4 milionë euro do të merren nga e ashtuquajtura taksë e përkohshme për infrastrukturën arsimore”, tha Spaho.
