Kryetari i Partisë Agrare Ambientaliste Agron Duka ka folur lidhur me zgjedhjet e 25 prillit dhe rrezikun për partitë e ‘vogla’ opozitare nëse nuk do të garojnë në një listë me PD.
“Presim të marrim sa më shumë të jetë e mundur, një skemë të re. Ishim gati të garonim me siglat e partisë tonë. Shpresojmë për një listë të përbashkët me PD. Do shohim të gjitha mundësitë për të maksimilizur votat. Mënyra më e mirë e mundshme është të gjejmë konsensus me PD. Nëse gjejmë konsensus dhe kushtet tona plotësohen kjo do të ishte më e mira.
Nëse dalim më vete mund të zhdukemi si parti, se di a mund ta themi. Edhe PPA dhe disa parti të tjera mund të kenë përfaqësues në parlament. Por s’është ky problemi, sepse dëmtohet koalicioni. Pyetja për partitë aleate besoj se do jetë nga të gjithë njëlloj, s’mund të thotë dikush nga ne se unë synoj 4 ose 5″, tha Duka.
Opozita e bashkuar ende nuk është shprehur lidhur me mënyrën se si do të përfaqësohen në zgjedhje, me listë të përbashkët apo partitë opozitare do të kandidojnë nën siglat e tyre e më pas të bashkohen ne koalicion paszgjedhor.
Gjithsesi në shqyrtim janë dy variente: njëri me dy koalicione të drejtuara respektivisht nga PD dhe LSI dhe tjetri që gjithë opozita të dalë me 1 listë të vetme.
