Policia e Vjenës ka arrestuar edhe dy persona të tjerë në lidhje me sulmin terrorist në këtë qytet, ku mbetën të vrarë 4 persona dhe u plagosën dhe 22 të tjerë.
Sipas gazetës ‘Krone’, një nga të arrestuarit është një austriak me origjinë afgane, gjurmët e të cilit u gjetën në armën e përdorur nga atentatori muajin e kaluar.
Një zëdhënëse e prokurorisë konfirmoi arrestimet, por nuk dha detaje për personin e dytë të arrestuar.
Në ngjarjen që ndodhi në fillim të nëntorit policia ekzekutoi 20-vjeçarin me origjinë shqiptarë që ndërmori sulmin, të cilin autoritetet austriake e përshkruan si një terrorist islamik.
Deri në këto momente janë arrestuar 15 persona për sulmin, ndërkohë që hetimet për gjetjen e personave të përfshirë u zgjeruan dhe në Gjermani e Zvicër.
