Pas dy barazimeve radhazi, Milan rikthehet te fitorja dhe këtë e ka bërë në transfertë ndaj Sassuolos me rezultatin 1-2.
Miqtë e nisën në mënyrë fantastike takimin. Aksioni i parë, sekonda e shtatë dhe topi në rrjetë. Calhanoglu dhuroi një asist fantastik për sulmuesin portugez, i cili nuk gaboi përpara portës kundërshtare.
Djemtë e Piolit vazhduan të luanin mirë dhe gjetën sërish rrjetën në minutën e 26-të. Kundërsulm perfekt dhe finalizim i Alexis Saelemaekers.
Berardi ndëshoi kuqezinjtë një minutë përpara fundit, por kohë nuk kishte shumë në dispozicion. Milani menaxhoi avantazhin dhe siguroi tre pikë fantastike.
Nga ana tjetër , Inter ka gjetur vazhdimësinë duke siguruar fitoren e 6-të radhazi në Serie A. Zikaltrit iu falën dy golave në pjesën e dytë dhe vazhdojnë të renditën të dytët, me një pikë më pak se Milani.
Ardijan Ismajli e nisi si titullar për herë të parë për ekipin mik dhe Spezia ia doli të rezistojë në 45 minutat e para. Vendasit u karikuan në pushim dhe në minutën e 51-të zhbllokuan takimin me një diagonale të saktë të Achraf Hakimit.
Goli i qetësisë erdhi 20 minuta më vonë. Penallti për Interin dhe Romelu Lukaku dërgoi topin në rrjetë. Në minutat shtesë erdhi edhe goli i Spezias. Roberto Piccoli autori i golit.
