Cristiano Ronaldo shënoi dy gola në ndeshjen e fituar të Juventusit ndaj Parmës me rezultatin 0-4.
Portugezi po thyen rekord mbas rekordi, pasi tani ka shënuar 756 gola zyrtarë në të gjithë karrierën e tij.
Ai është vetëm 1 gol larg barazimit të Peles si golashënues i dytë më i mirë i historisë dhe vetëm 3 gola larg Josef Bican. Yllit të Juventusit i duhen dhe 4 gola për t’u shpallur si golashënuesi më i mirë në historinë e futbollit profesionist.
Padyshim që CR7 do ta arrijë këtë shifër, pasi 35-vjeçari ka një formë shumë të mirë dhe po shënon rregullisht. Me fat që e shijojmë duke luajtur.
