Një ngjarje e rëndë ka ndodhur në ndeshjen e Kategorisë së Dytë Delvina-Alpetrol këtë të shtunë, ku është goditur me gurë në kokë asistenti i arbitrit.
Arbitri i ndeshjes është qëlluar me gurë nga jashtë stadiumit dhe është transportuar me urgjencë drejt spitalit të Sarandës. Për fat të mirë, arbitri i ndeshjes ndodhet jashtë rrezikut për jetën pas marrjes së ndihmës së pare.
Policia ka bërë të mundur identifikimin e autorit të ngjarjes, shtetasin A.H, i cili është larguar menjëherë nga vendngjarja. Policia ka rrethuar zonën dhe vijon krehja për kapjen e autorit.
Ndërkohë disa foto të siguruara nga “Panoramasport” po qarkullojnë në rrjet, teksa asistenti duket i shtrirë në krevat, ndërsa është i fashuar në një pjesë të ballit.
