Milani është duke u përballur me një emergjencë totale në këtë moment, për shkak të dëmtimeve. Pas Ibrahimoviç i cili pësoi një dëmtim tjetër ditën e djeshme dhe do të qëndrojë jashtë fushave deri në fund të vitit, trajneri Pioli ka konfirmuar se as Kjaer nuk do të luajë për dy ndeshjet e mbetura për këtë vit.
“Kanë kaluar 15 ditë nga dëmtimi i Kjaer. Nesër ndaj Sasuolos ai nuk do të jetë i gatshëm dhe gjithashtu nuk do të luajë as ndaj Lacios të mërkurën. Megjithatë unë jam i lumtur që ai po vazhdon rikuperimin dhe është në rrugën e duhur.”, tha Pioli në konferencën e sotme.
Gjithashtu vitin për shkak dëmtimi me kuqezinjtë e kanë mbyllur edhe mesfushori Benaser me mbrojtësin Gabia, të cilët gjithashtu nuk janë gati për dy ndeshjet e ardhshme.
Gjithashtu Pioli u shpreh se edhe Rebiç kishte shfaqur probleme në ndeshjen e fundit dhe nuk dihet nëse do të luajë ndaj Sasuolos.
