Policia e Tiranës njofton se ka zbuluar dy baza të shpërndarjes së drogave të rënda në kryeqytet, një në rrugën “Zef serembe” dhe tjetra në zonën e Astirit.
Policia tha se arrestoi 57-vjeçarin I.A, i cili u kap në rrugën “Zef Serembe”. Gjatë kontrollit nga policia në shtëpinë e tij iu gjetën 500 doza heroinë, shuma të konsiderushme parash, një makinë, një cellular një DVR.
Ndërkohë baza e dytë u zbulua në zonën e Astirit, në një shtëpi të marrë me qera nga F.G, 24 vjeç, i cili u arrestua.
Gjatë kontrollit fizik dhe të shtëpisë, djalit iu gjetën 34 doza kokainë si dhe një sasi kanabisi, të cilat u sekuestruan së bashku me një peshore elektronike dhe 1 aparat celular.
Këto dosje me provat përkatëse iu dërguan Prokurorisë së Rrethit Gjyqësor Tiranë, për veprën penale “Prodhim dhe shitja e narkotikëve”, në ngarkim të shtetasve I.A dhe F.G.
