Ministrja e Arsimit njoftoi se mësimi në arsimin parauniveristar do të fillojë me 11 janar, pas pushimeve të fundvitit. Gjatë një vizite në një nga shkollat në Pustec, së bashku me kryeministrin maqedonas, Zoran Zaev, Kushi u shpreh se është vendosur kjo datë për rifillimin e shkollës pas pushimeve të dimrit.
“Në bashkëpunim me Komitetin e Ekspertëve kemi vendosur që pas pushimeve të fundvitit shkolla të nisë në datën 11 janar dhe jo në 4, siç parashikonte urdhri i mëparshëm”, tha ajo.
Më herët, ministria kishte vendosur që shkolla të niste në 4 janar. Prej 1 dhjetori, mësimi në shkollat 9-vjeçare dhe të mesme zhvillohet i alternuar, një pjesë në klasa dhe një pjesë virtualisht.
Shkollat private dhe shkollat që nuk kanë numrat të lartë të nxënësve do të vazhdojnë mësimin në klasë. Ndërsa universitet do të vazhdojnë mësimin online.
