Shkaktoi kuriozitet vota kundër që deputetja e Partisë Socialiste Mimi Kodheli dha në Kuvend për emërimin e Bledi Çuçin si ministër të Brendshëm dhe Milva Ekonomit si ministre të Bujqësisë.
Hamendësimet ishin të shumta edhe për faktin se Kodheli ishte një nga emrat më të përfolur për të pasuar Sandër Lleshajn. Deputetja ka ndërhyrë në telefon në emisionin “Open” në TCH kur tha se votën e ka hedhur gabimisht kundër.
“Unë tashmë jam në një moshe dhe kam nevojë për syze. Nuk e kam parë mirë çfarë shkruhej në dekretin e Presidentit dhe thjesht e kam votuar kundër. Nëse hapni Facebook mund të shihni se çfarë kam thënë për shoqen time të fëmijërisë për Milva Ekonomi” – tha Kodheli.
E pyetur për përfoljen e saj si ministre e Brendshme ajo tha se ishte e kënaqur me atë që kishte arritur deri tani në politikë. “Unë kam qenë në një kohë të gjatë në politikë. Kam qenë e nderuar që kam qenë ministre e mbrojtjes” –tha Kodheli. Të ketë qenë thjesht çështje syzesh?!!!
