Ky dimër po provon të jetë shumë i rëndë për shkak të koronavirusit të ri SARS-CoV-2 . Pavarësisht nga fakti se brenda pak ditësh, 31 dhjetori shënon një vit që kur u zbuluan infeksionet e para në Wuhan, Kinë, dhe shkencëtarët po përpiqen të deshifrojnë gjithçka në lidhje me këtë virus të ri, madje edhe sot informacionet në lidhje me simptomat e COVID -19 shpesh ngatërrohen.
Kjo sepse shumë prej tyre janë të ngjashme me simptomat e ftohjes së zakonshme dhe gripit sezonal.
Deri më sot, infeksioni SARS-CoV-2 tregon një gamë të gjerë dhe heterogjenitet të manifestimeve klinike duke filluar nga infeksioni asimptomatik deri te sëmundja e rëndë.
Shumica e pacientëve shfaqin simptoma të lehta deri të moderuara të infeksionit respirator dhe shërohen pa kërkuar shtrimin në spital.
Periudha e inkubacionit varion nga 2-14 ditë, ndërsa fillimi i simptomave nga koha e infektimit vlerësohet në 5-6 ditë.
Simptomat varen nga frekuenca e tyre
Të zakonshme: ethe, kollë, lodhje,
Të pazakonta: diarre, të përziera ose të vjella, dhimbje koke, humbje shije dhe nuhatje, skuqje, ënjtje ose njollë e gishtave ,
Simptoma të rënda: gulçim, dhimbje gjoksi ose ndjenjë e rëndesës, konfuzion, pamundësi për tu zgjuar ose përgjumje.
