Testi i ri molekular nga “Menarini Diagnostics” do të dallojë Covid nga gripi sezonal, për të lehtësuar keqkuptimet e shumta gjatë këtij sezoni të vështirë dimri, kudo në Europë.
Testi molekular që e dallon Covid nga gripi: është zgjidhja e re e nisur nga “Menarini Diagnostics”, e cila do të bëjë të mundur dallimin bazuar në simptomat. Ftohja, ethet dhe kolla: këto janë simptoma të ngjashme me gripin, nga të cilat testi i ri do të jetë në gjendje të përcaktojë origjinën. Falë një diagnoze të saktë dhe me një shtupë të vetme (test), pacienti do të jetë në gjendje të dijë nëse është pozitiv apo jo për koronavirusin e ri, dhe rezultati del brenda 20 minutash.
Në rast të negativitetit, molekula e re do të jetë në gjendje të përcaktojë nëse pacienti ka kontraktuar gripin e tipit A ose B.
Falë platformës “VitaPCR”, e cila është një mjet i lëvizshëm, tashmë i disponueshëm në qindra ambiente në të gjithë Evropën, do të jetë e mundur të kryhet dhe ky lloj i ri i tamponit. Testi i ri do të jetë në gjendje të identifikojë – falë reagentëve të veçantë – praninë e ARN-së Covid, si dhe atë të viruseve të tjerë të gripit.
Teknologjia e përdorur mbi provën e re molekulare bazohet në PCR (Polymerase Chain Reaction) dhe garanton besueshmëri të lartë.
Sipas Menarinit, ky lloj i testit molekular do të jetë në gjendje të shmangë shumë shqetësime për njerëzit, pasi do të jetë e mundur të parandalohen raste të shumta të izolimit në shtëpi. E shënuar me logon CE, testi i ri molekular anti-Covid është vënë në dispozicion nga “Menarini Diagnostics” në Itali, Austri, Belgjikë, Gjermani, Greqi, Luksemburg, Hollandë, Portugali, Spanjë dhe Britaninë e Madhe.
Analiza përfundon brenda 20 minutash dhe instrumenti do të lëshojë rezultatin me emrin e patologjisë së zbuluar në ekran.
