Debati i një jave më parë mes Stresit dhe moderatores Einxhell Shkira bëri jo pak bujë. Pasditen e sotme e ftuar në një studio televizive kjo e fundit ka folur rreth situatës. Ajo ka deklaruar se e gjithë situata e krijuar, ka prekur atë dhe familjen e saj.
“Unë mund të isha një person depresiv dhe nga gjithë ajo që ndodhi mund të kisha pirë dy kokrra, kisha vrarë veten dhe hajde pastaj si do e zgjidhim? Për kë do dilnim pastaj në protestë? Për një person që ia shkatërruan jetën virtualisht? Vetë ne apo ata që e bënë këtë gjë janë çdo ditë kriminelë. Nuk janë ata më të mirë se polici që vrau Klodianin.” Einxhelli e cila është përlotur nuk ka lënë pa treguar mesazhin e së ëmës që i shkruante të qëndronte e qetë.
“Siç është gjynah babai i atij djalit që vdiq, është gjynah edhe mamaja ime. Mesazhi që më ka shkruar ka qenë :
“Einxhel të lutem mami mos u merr më me këto gjëra. Shiko jetën tënde. Mos komento më asgjë, është hera e fundit. Dhe në emisione të tjera, të bëjnë çfarë të duan, ti nuk do shkosh, nuk do të thuash më asgjë. Të lutem, mos u merr me asnjë. Ti je vajzë e zgjuar, ndaj të lutem, se njerëzit po merren me ty duke thënë gjëra shumë të rënda. Ty të lutem mami, sepse zemra nuk duron dot më”.
Moderatorja u sulmua nga reperi pas statusit të saj për protestat e vrasjes së 25-vjeçarit Klodian Rasha.
