Kryeministri i Kosovës, Avdullah Hoti, ka folur sot rreth masave të reja anti-Covid që do të merren për festat e fundvitit.
Në një konferencë për media Hoti ka deklaruar se masat e reja po diskutohen prej katër ditësh. “Ka nja 3-4 ditë që që jemi duke i diskutu, sot e bëmë këtë diskutim dhe do të vazhdojmë edhe sonte, shpresojmë se deri të premten të përmbyllim këtë diskutim”, ka deklaruar Hoti.
I pyetur se a do të ketë masa shtesë për diasporën, ashtu siç kanë vendosur shtetet tjera karshi Kosovës, ai tha se janë duke u diskutuar edhe këto masa.
“Jemi duke i diskutu në bazë të rekomandimeve ekspertëve, të organziatave ndërkombëtare dhe duke i pa përvojat e vendeve tjera. Nuk mund të them tash çfarë masa konkrete do të ketë edhe për qarkullim të qytetarëve edhe nga diaspora, por besoj që deri të premten i finalizojmë dhe i kryejmë konsultimet e nevojshme”, ka deklaruar kreu i ekzekutivit.
