Përgjatë 24 orëve të fundit autoritete shëndetësore në Greqi kanë raportuar një numër të lartë vdekjesh dhe të infektimeve nga koronavirusi.
Konkretisht sipas autoriteteve greke janë konstatuar 1190 raste të reja pozitiv, ndërsa 85 persona kanë humbur jetën. Gjithashtu raportohet se 552 pacientë janë duke u trajtuar në intubim, ku mosha mesatare e tyre është 67-vjeç.
Sipas të dhënave zyrtare, bashkë me shifrat e 24 orëve të fundit, 127.557 persona janë infektuar që prej fillimit të pandemisë. Ndërsa numri i viktimave prej Covid-19 në Greqi ka shkuar në 3870.
