Anxhelina Hadërgjonaj ka vetëm pak ditë që ka publikuar këngën e re, “Precious”, pas shumë viteve shkëputje nga muzika, dhe synon tregun ndërkombëtar.
Anxhelina ishte pasditen e djeshme e ftuar në programin “Rudina” për të promovuar këngën e re dhe për të zbuluar më shumë për veten nga jeta në Amerikë. Nga Los Angelos, në një lidhje me Skype, Anxhelina ka treguar më shumë në lidhje me jetën e saj si dhe iu përgjigj edhe disa pyetjeve të shkurtra pikante nga Rudina Magjistari.
Anxhelina zbuloi edhe tri karakteristikat që duhet të plotësojë mashkulli i jetës së saj.
“I mirëkuptueshëm, të ketë një sens humori dhe nuk e di…” – tha këngëtarja, pas pyetjes për “tri karakteristikat që duhet t’i ketë mashkulli i jetës”.
“Të të dojë shumë?” – ishte pyetja që e ndihmoi Anxhelinën për të theksuar pas Rudinës: “Po, normalisht ajo dihet”.
Axhelina zbuloi se nuk merret fare me veten për ta pasur trupin në formë, por fatmirësisht e ka dhuratë gjenetike: “Për momentin genetika, por mosha bën të vetën dhe duhet të filloj të merrem me veten… Kam pak kohë që nuk merrem me palestër, por do filloj së shpejti”.
