Gazetari Enkel Demi tha sot se Kryeministri Edi Rama nuk e heq nga posti i Drejtorit të Përgjithshëm të Policisë, Ardi Veliun, pasi ai i duhet për zgjedhjet.
“Pas 4 muajsh janë zgjedhjet, Rama me votë i humbet zgjedhjet. I vetmi që e nxjerr fitues Ramën janë sondazhet e Karlo Bolinos. Atëherë këto nuk ikin me votë, ndaj edhe mban Ardi Veliun në postin e Drejtorit të Policisë.
Ai e mban Ardi Veliun, pasi kur të dalin në shesh 100 mijë apo 150 mijë persona, do i lajë me gaz dhe me ujë”, tha Enkel Demi në emisionin “Abc e mëngjesit”.
Demi tha se në polici janë rikthyer ish-sigurimsat, ato që rrihnin në ´89-´90 të rinjtë e asaj kohe, sot po rrahin fëmijët tanë.
“Ardi Veliu duhej të kishte ikur që kur u rrah ai fëmija te Liqeni sepse shëtiste dhe ai tregonte me gisht të ëmën e tij. Por edhe tani, ai nuk ka bërë detyrën, pasi në vitin elektoral ku kemi hyrë, ka një dyfishim të kanabisit në vend dhe kjo tregon se ai nuk ka bërë detyrën”, tha Demi në komentin e tij.
