Kryetari i PD-së, Lulzim Basha, premtoi sot se ka marrë zotime nga miqtë e huaj, për të siguruar vaksinën anti-Covid për shqiptarët.
Basha tha se Kryeministri Edi Rama shkoi në New York gjoja për të siguruar vaksinën, por erdhi duarbosh, përveç një fotoje që bëri në një ekspotitë.
Sipas kreut demokrat, Shqipëria nuk do të mbetet e fundit lidhur me vaksinat, ndërsa shtoi se edhe Maqedonia e Veriut ka marrë masat për garantimin e saj.
Basha tha se për shkak të babëzisë së Edi Ramës, shëndetësia po shkon në kolaps, ndërsa paratë po shkojnë te inceneratorët.
“Detyra ime, detyra juaj, detyra e çdo shqiptari, është që deri më 25 prill, t´i ushtrojmë presion Edi Ramës që paratë të përdoren për krizën”, tha Basha.
Ai akuzoi Ramën se po vjedh gjithçka sepse ai e di që më 25 prill do të ikë.
“Mbyllni veshët nga propoganda e tij, ndaj mashtrimeve të tij, bashkojuni me Partinë Demokratike, si e vetmja shpresë për të larguar këtë të keqe”, tha Basha.
