Kryeministri Edi Rama ka reaguar ndaj draftit final nga Komisioni i Venecias në lidhje me ndryshimet Kushtetuese të miratura për Kodin Zgjedhor.
Përmes një video të postuar në rrjetin social, Rama ka thumbuar opozitën e cila e ka cilësuar të jashtëligjshme ndryshimet e fundit të bëra në Kodin Zgjedhor.
Në pamjet e publikuar përmenden disa nga vendimet me kryesore të ndërmarra për ndryshimin e Kodit Zgjedhor.
“Rekomandimet e Komisionit të Venecias për ndryshimet Kushtetuese shkojnë në të njëjtën linjë logjike me argumentet e kryeministrit”, thuhet në videon e postuar nga Edi Rama.
Pas disa ditë protestash kundër vrasjes së 25-vjeçarit Klodian Rama nga një efektiv policie, duket se Rama i është rikthyer çështjes së zgjedhjeve, duke sjellë në vëmendje ndryshimet e njëanshme në Kushtetutë dhe Kodin Zgjedhor, që ndalojnë koalicionet parazgjedhore, me lista shumëemërore.
