Vrasja e Klodjan Rashës nga një efektiv policie ka ngritur qytetarët prej disa ditësh në protesta. Kanë qenë të shumta edhe reagimet e arstitëve të cilët e kanë dënuar këtë krim policor.
Së fundmi ka ardhur edhe një reagim nga reperi Noizy. Ai bën thirrje që të ndihmohet familja e Klodjan Rashës, pasi pretendon se protesta tashmë është bërë e dhunshme.
“Kush nga artistat do të bashkohet me mua të ndihmojmë familjen e Klodjanit? Më shkruani… Unë them të ndihmojmë atë familjen sesa të merremi me protesta për të mbrojtur b*thyët tona… Asnjë parti s’do na sjellë bukë te shtëpia, secili person lugën e con te goja e vet para se te e tjetrit.
Protesta është bërë politike, edhe qorri e sheh… Unë s’jam as me lali Erin, as me Edin, as me lali Lulin, as me lali Ilirin, unë jam me familjen time dhe me shtetin tim, të shkatërrosh shtetin, është të shkatërrosh shtëpinë tënde”, shkruan ai ndër të tjera në rrjette sociale”, shkruan këngëtari ndër të tjera në rrjetet sociale.
Ndërkohë rivali më i madh i Noizyt, reperi Stresi, ka qenë dhe një nga organizatorët e protestës, tashmë i shpallur në kërkim nga ana e Policisë.
