Pakistani ka hartuar ligje të reja për përdhunuesit. Ata do të mbeten të kastruar kimikisht, kurse vendimi vjen pas protestave të publikut kundër dhunës seksuale në vend.
Kryeministri Imran Khan dhe kabineti i tij miratuan masën ligjore muajin e kaluar dhe Presidenti Arif Alvi e nënshkroi atë sot.
Kastrimi kimik përfshin përdorimin e ilaçeve për të zvogëluar testosteronin dhe është përdorur për pedofilët në Indonezi që nga viti 2016 si dhe për përdhunuesit e fëmijëve në Poloni, që nga viti 2006.
Masat vijnë si pjesë e një serie masash që do të futen në Pakistan për të trajtuar abuzimin seksual – përfshirë krijimin e një regjistri kombëtar të përdhunuesve si dhe mbrojtjen e identitetit të viktimave.
Ligji pason protestat në të gjithë vendin pas përdhunimit të një gruaje jashtë qytetit të Lahore në Shtator, nga një bandë, që detyroi qeverinë të premtonte se do të vepronte egërsisht ndaj abuzuesve.
Dy burra nxorrën gruan nga makina e saj e cila i ishte prishur natën, në një autostradë afër qytetit, në provincën lindore të Punjab, dhe e përdhunuan atë në grup ndërsa fëmijët e saj të tmerruar shikonin skenën. Të dy burrat u arrestuan më vonë.
Makinës së gruas i kishte mbaruar benzina ndërsa ajo kishte dalë jashtë me dy fëmijët e saj. Ajo sipas dëshmive bëri thirrje për ndihmë, por nxorr nga automjeti dhe u përdhunua nga dy burra ndërsa priste në anë të rrugës.
Protestat shpërthyen pasi hetuesi Umar Sheikh sugjeroi që gruaja ishte fajtore për sulmin, duke thënë se ajo duhej të kishte udhëtuar në një rrugë tjetër, madje gjatë ditës, si dhe të kontrollonte benzinën e saj para se të nisej.
“Amnesty International” lëshoi një mesazh në mbështetje të protestuesve duke thënë: Ka pasur shumë viktima dhe shumë pak dënime të autorëve në një sistem të drejtësisë penale të karakterizuar nga mosndëshkimi.
Megjithatë disa e kanë kritikuar masën e kastrimit, pasi shihet si shumë e ashpër dhe argumentojnë se zyrtarët nuk ndoqën procesin e nevojshëm të konsultimit para se ta miratonin atë.
Si pjesë e masave të tjera për çështjet e përdhunimit duhet të merret një vendim brenda katër muajve.
Ngacmimi dhe dhuna seksuale ndaj grave është e zakonshme në Pakistan, ku gati 1.000 gra vriten çdo vit në të ashtuquajturat ‘vrasje nderi’, për gjoja shkelje të normave konservatore për dashurinë dhe martesën.
Pakistani ka parë një rritje të incidenteve të përdhunimit që nga viti 2018, kur një vrasës serial përdhunoi dhe vrau gjashtë vjeçarin Zainab Ansari, në qytetin lindor të Kasur në provincën Punjab.
Çështja tërhoqi protesta në të gjithë vendin dhe Imran Ali, 24 vjeç, u dënua më vonë me vdekje duke u var në litar.
