Azerbajxhani dhe Armenia shkëmbyen të burgosurit ditën e hënë si pjesë e marrëveshjes së paqes që i dha fund luftës së fundit mbi territorin e Karabakut.
Tigran Avinyan, zv. kryeministri i Armenisë, njoftoi se 44 persona të rënë rob ishin kthyer në vend nga Azerbajxhani. Ndërkohë, 12 robër u dorëzuan në Azerbajxhan.Shkëmbimi u lehtësua nga paqeruajtësit rusë që ishin vendosur në rajon nën marrëveshjen, e cila u ndërmjetësua nga Moska.
Armenia dhe Azerbajxhani bënë një luftë të përgjakshme mbi Nago-Karabakun në fillim të viteve 1990 e cila përfundoi në armëpushim edhe pse kanë ndodhur raste sporadike të dhunës. episodet sporadike të dhunës kanë ndodhur që atëherë.
Lufta më e fundit shpërtheu në 27 shtator, ku të dyja palët akuzuan njëra-tjetrën për dhunë të përsëritur. Më shumë se 5,000 njerëz humbën jetën dhe dhjetëra mijëra u zhvendosën.
Marrëveshja e paqes e ndërmjetësuar nga Moska hyri në fuqi në 10 nëntor. Si pjesë e marrëveshjes, Armenia dorëzoi disa territore që mban jashtë kufijve të Nago-Karabakut, ndërsa Azerbajxhani gjithashtu mbajti kontrollin mbi zonat e rajonit të diskutueshëm që kishte marrë gjatë konfliktit .
Marrëveshja e paqes u festua në Azerbajxhan si një triumf i madh dhe javën e kaluar u mbajt një paradë ushtarake në Baku për ta festuar atë.
Në Armeni, armëpushimi shkaktoi zemërim dhe protesta masive, me mijëra persona që dolën rregullisht në rrugë me kërkesë për dorëheqje të kryeministrit të vendit. /Euronews
