Singapori i shtohet listë së vendeve që kanë aprovuar vaksinën e Pfizer-BioNTech kundër koronavirusit.
“Unë jam shumë i lumtur t’ju them se pasi ka studiuar provat shkencore dhe të dhënat e provave klinike, Autoriteti i Shkencave të Shëndetit ka aprovuar vaksinën Pfizer/BioNTech për përdorim pandemik. Dërgesa e parë duhet të mbërrijë në fund të këtij muaji,” tha kryeministri i vendit Lee Hsien Loong.
Kryeministri i Singaporit po ashtu bëri me dije se deri në tremujorin e tretë të 2021, të gjithë do të vaksinohen.
“Ne gjithashtu presim që vaksinat e tjera të arrijnë në Singapor në muajt e ardhshëm, dhe nëse gjithçka shkon sipas planit, ne do të kemi vaksina për të gjithë në Singapor deri në tremujorin e tretë të 2021,” tha Lee.
Të parët që do vaksinohen janë personat me rrezik më të lartë nga pandemia, duke përfshirë punonjësit e kujdesit shëndetësor, dhe të moshuarit.
Kryeministri njoftoi se vaksinat do të jenë falas, por nuk do të jenë të detyrueshme.
Ndërkaq Singapori do të lehtësojë kufizimet e pandemisë duke filluar nga 28 Dhjetori.
