Deputeti i PS, Alket Hyseni teksa po fliste për disa pamje të dhunës gjatë protestave të të rinjve në Tiranë kundër vrasjes së Klodian Rashës, i quajti ata bastardë.
Deputeti iu referua një adoleshenti që mbante një shishe benzinë në duar si “surrat”, ndërsa shtoi se këta të rinj që protestojnë, nuk përfaqësojnë rininë e vendit.
Kjo solli reagimin e ashpër të Enton Alibekaj, i cili u shpreh se “Ata i dënon ligji, jo partia”.
Pjesë nga biseda
Alket Hyseni: Ky surrati këtu nuk përfaqëson të rinjtë shqiptarë. Ka një shishe benzinë me vetë. Një tjetër sulmon me gurë. Këta bastardë nuk përfaqësojnë të rinjtë. Keta nuk janë fëmijët e sotëm, 500 apo 200 sa janë, këtë nuk janë fëmijët e sotëm.
Enton Alibekaj: Ky është show i ndyrë që tregon kapjen e policisë nga shteti. Ata i dënon ligji, jo partia.
Alket Hyseni: Këta jënë keqbërës, që po përdoren nga politika. Mezi presin të sulmojnë dhe vjedhin.
