Komisioni i Pavarur i Kualifikimit konfirmoi të hënën në detyrë gjyqtaren pranë Gjykatës së Apelit Administrativ, Rilinda Selimi.
Vendimi u mor nga trupa gjykuese e përbërë nga Olsi Komici, Pamela Qirko dhe Lulzim Hamitaj.
Rilinda Selimi u përball me komisionin të Enjten, në seancën dëgjimore.
Vetting/ KPK nuk konstaton probleme me pasurinë e gjyqtares Rilinda Selimi
Rilinda Selimi e ka filluar karrierën në sistemin e drejtësisë në vitin 2000 dhe ka punuar fillimisht si gjyqtare në Gjykatën e Librazhdit dhe më pas, për rreth një dekadë në Gjykatën e Fierit. Në vitin 2010, Selimi është transferuar në Gjykatën e Tiranës, ndërsa prej vitit 2013 e ushtron funksionin në Gjykatën Administrative të Apelit.
