Prej pesë ditësh vendi është përfshirë në protesta pas vrasjes së Klodian Rashës nga efektivi i policisë, Nevaldo Hajdaraj.
Qytete të ndryshme i janë bashkuar protestës, ku në disa prej tyre janë mbajtur homazhe duke kërkuar “Drejtësi për Klodianin”.
Ndërkohë kryeministri Edi Rama, njoftoi për mediat largimin e Sandër Lleshaj.
Së fundmi është ngritur pyetja se kush do të vendoset Ministër i Brendshëm, pas largimit të Sandër Lleshaj gjë e cila u komentua ditën e sotme edhe në “Abc-ja e mëngjesit” .
Deputetja e PS, Milva Ekonomi e pyetur nga gazetari Enkel Demi nëse është kandidate për Ministër të Brendshëm, u shpreh se kjo vendoset nga kryeministri, duke shtuar se është diçka që nuk e ka menduar.
Enkel Demi: Je kandidate për ministër të Brendshëm?
Ekonomi: Askush nuk e vendos vetë, e vendos kryeministri , por nuk unë nuk e mendoj. /abcnews.al/
