Partizani luan ndaj Vllaznisë në transfertë duke filluar nga ora 16.45, ndeshje kjo në kuadër të javës së 8-të të Kategorisë Superiore.
Të kuqtë synojnë fitoren, në mënyrë që t’i afrohen sa më shumë shkodranëve kryesues por sigurisht një mision tepër i vështirë ky duke parë formën e lartë që kanë treguar kuqeblutë.
Trajneri i kryeqytetasve, Ilir Daja ka në mendje formacionin titullar. Tekniku ka vendosur të surprizojë, teksa nga minuta e parë pritet t’a nisë Tedi Cara, ndërkohë që Jurgen Bardhi përfundon në stol. Ky është një shans i artë për 20 vjeçarin nga Kavaja që të tregojë aftësitë e tij.
Në majë të sulmit qëndron Cardoso, i cili shpreson të bëjë bëjë diferencën sot. Partizani renditet në vendin e tre-të me 12 pikë.
Formacioni i mundshëm:
Partizani: Hoxha, Idrizaj, Bitri, Belica, Hakaj, Kote, Broja, Mala, Solomon, Cardoso, Cara
