Mjeku Mihal Kerci humbi jetën mëngjesin e sotëm si pasojë e koronavirusit. Kerci prej ditësh ndodhej në një gjendje të rënduar shëndetësore për shkak të komplikacioneve.
Ish deputeti i PD, Tritan Shehu, i cili për vite me rradhë ka qenë mjek reanimator, përmes një postimi në rrjet, shpreh dhimbjen e tij për ndarjen nga jeta të kolegut, Kryetarin e Shoqatës së Anestezi-Terapi Intensive, Mihal Kerci.
Ja postimi i plotë:
Nje “Requiem” per Prof. Dr. Mihal Kerci!
Sot dite zije për Anestezi-Reanimacionin e mjekesinë shqiptare!
Disa orë më parë, pas jave përpjekje, disa herë shpresash, me tej dëshperimesh ne humbëm një nga kolegët tanë më të mirë, Kryetarin e Shoqatës sonë të Anestezi-Terapi Intensive, mikun e vlefshem, njeriun e ditur, të mire e të pa përtueshem, Mihalin tonë!
Familja e tij humbi atë pjestar, bashkëshort e baba shembellor.
Studentet nuk do të dëgjojne me leksionet e tij plot shkencë e pasion, pacientet nuk do ta kenë më në momentet më të vështira të tyre mbi kokë, duke u transmetuar shpresë, besim e qetësi!
Anestezi-Reanimacionit shqiptar e Rajonal do t’i mungoje një nga “kolonat” e organizatoret më të vlefshëm të tij, zeri i tij nuk do të dëgjohet me plot dije e eksperiencë në Konferencat, debatet, diskutimet tona….
Do na mungojë të gjithëve, familjarëve, kolegëve, shokëve, miqve, të sëmurëve që presin të shërohen…qytetareve në tëresi.
Ta kujtojmë gjithëmone ashtu siç ishte në jetën e punën e tij!
Ngushellimet me të sinqerta e të dhimbëshme.
