Koronavirusi në Itali/ 484 viktima në 24 orët e fundit

484 humbje jetë janë shënuar gjatë 24 orëve në Itali. Sipas buletinit të ministrisë së Shëndetësisë janë regjistruar 17, 839 raste të tjera. Numri i fataliteteve dhe i të infektuarve është më i ulët në krahasim në një ditë më parë, 649 fatalitete u regjistruan të shtunën, ndërsa të infektuar kishte 19, 903.

Sipas buletinit, aktualisht ka 686,031 pozitive në Itali, 1,183 më shumë se dje, një rritje që regjistrohet pas ditëve të rënies. 3.158 pacientë ndodhen në terapi intensive, me një bilanc negativ midis hyrjeve dhe daljeve të 41 personave në 24 orët e fundit.

LEXO EDHE  Skandali me tenderat në Albcontrol dhe Trauma, mbi 2.2 mld lekë për pastrim zyrash (Dokumente)

Pranimet ditore në spitale terapi intensiv ishin 152. Në spitalet ka gjithsesi 27,735 persona, një rënie prej 333 krahasuar me të shtunën. Numri i përgjithshëm i infeksioneve është 1,843,712 që nga fillimi i pandemisë, ndërsa vdekjet janë 64,520.