Deputeti Lefter Maliqi shprehet se “Shqipëria do i kthehet shqiptarëve, para 25 Prillit”! Sipas tij, ditët e Dhjetorit ’90 po përsëriten…
“Ramzi, shporri njerëzit e padenjë nga zyrat e shtetit, ose paguaj faturën e frikshme që të është prerë nga rinia që e trajtove si armik në 8 vite…”, apelon deputeti në një reagim në FB.
Më tej, shton: Këto ditë Dhjetori, i ngjajnë të njëjtit muaj të ’90-ës, ku të rinjtë po vërshojnë rrugëve dhe po i kërkojnë llogari qeverisë që i vrau ëndrrat, që i largoi nga Shqipëria, që i la të papunë.
Këto janë ditë shprese, sepse të rinjtë po flasin me zërin e të gjithë Popullit të mashtruar, të varfëruar dhe shtypur nga Shteti i Rilindjes.
Diktatura mavi po i kundërpërgjigjet me dhunë, arrestime, gaz lotsjellës, por tashmë e ka të kot, sepse këtë valë shprese nuk e ndal e as e përçan dot.
Sa më shumë të mos reflektojë e pranojë gabimet, aq më ashpër do përballet me uraganin rinor; sa më shumë të mos i dëgjojë thirrjet për të hequr e shporrur nga zyrat e shtetit, njerëz të korruptuar e të ligj, aq më egër do e përjetojë rrëzimin nga froni që e përdori vetëm për interesat personale.
Video e postuar nga Maliqi
