Ish-kryeministri Sali Berisha publikon një mesazh për të cilin tregon se ka ardhur në adresë të tij, lidhur me protestën në Shkodër këtë të Shtunë.
Sipas mesazhit, aktet e dhunës në protestë u kryer nga efektivë policie të veshur civilë me urdhër nga eprorët.
“Sot nga falangat e policise kriminale u inskenua djegia e selise se PS me urdher nga lart. Protesta ishte organizuar ne menyren me qytetare te mundshme, por menduan policet besnik te Luan Harushes, Rames dhe Lleshajit qe te shkaterronin gjithcka. Ne foto eshte polici i sektorit te krimeve Redi Shullani qe ishte ne rresht te pare dhe organizoi dhunen. Gjithashtu pjese e turmes si civil ishte nje i denuar me pare per skemen e fajdeve por vazhdon akoma te jet polic ne sektorin e krimeve. Gjithashtu ishte dhe Gjergj Gjeloshi polic qe akuzohet per mashtrime dhe korrupsion”, lexohet në mesazh.
