Koreografi Andi Murra, ka qenë së fundmi i ftuar në emisionin Glamour Zone në TV ORA, ku përballe moderatores Ester Bylyku, tregoi disa nga të vërtetat e tij profesionale. Ndër të tjera, Andi pëmendi si e prishi bashkëpunimin me këngëtaren e mirënjohur Genta Ismajli, me një mesazh, në orët e vona të mbrëmjes.
Ester Bylyku: A ka patur ndonjë rast që ndonjë artist të ka pushuar nga puna?
Andi Murra: Jo, nuk më kanë pushuar nga puna, por kam patur vetëm një rast keqkutimi me Genta Ismajlin. Ajo është një këngëtare shumë e mirë, dhe nisëm një bashkëpunim. Gjithcka ishte në rregull, derisa momentin e fundit ajo kërkoi të ndryshonim koreografinë, dhe të bënte dicka më të lehtë.
Unë nuk pranova, pata dhe një debat me nënën e saj. Gjithcka ishte gati për xhirime dhe një natë përpara, i kam dërguar Gentës një mesazh ku i thashë se nuk do të vazhdonim punën bashkë.
I gjithë investimi i saj, puna që ishte bërë deri aty, përfundoi me kaq.
