Borussia Dortmund dëshiron të shkojë sa më larg në Champions League dhe djemtë e Favre e arritën objektivin e parë. Verdhezinjtë e mbyllën në vend të parë grupin F, duke lënë pas Lazion e Simone Inzaghit.
Drejtori sportiv i klubit gjerman, Michael Zorc nuk i kursen elozhet për ekipin në konferencën e sotme për shtypin. E vetmja notë negative mbetet humbja jashtë fushe me Lazion (3-1), por Dortmundi rikuperoi, e mbylli në vend të parë dhe shpreson të ketë fat në short.
“Jam shumë i kënaqur për ecurinë e ekipit në fazën e grupeve në Champions League. Kualifikimi dhe arrritja e vendit të parë ishin objektivi ynë, i realizuam të dyja, pavarësisht humbjes që pësuam në Romë kundër Lazios“, deklaron Zorc.
