Policia ka përdorur dhunën ndaj protestuesve pasditen dhe mbrëmjen e sotme në Tiranë. Në veprim kanë hyrë efektivët e FNSH të pajisur me skafandra, mburoja dhe shkopinj gome, ndërsa është përdorur uji me presion dhe gazi lotsjellës.
Pamjet e mëposhtme tregojnë momentin kur policia ka dhunuar një prej të rinjve protestues, i cili goditet me shkopinj gome nga të paktën dy policë.
pamjet janë publikuar nga ish/deputeti demokrat Ervin Salianji, i cili shkruan se dhuna dhe represioni vazhdon dhe në mes kamerave mu poshtë dritares së Ramës dhe Ruçit! Përgjegjës është Rama ai e drejton policinë dhe drejtuesit e saj.
“Lleshaj u dorëhoq publikisht që në datë 11 Shtator?! Si mund të dorëhiqet i dorëhequri?!
Padrejtësia është bërë normalitet, maskarai është kthyer model, dhuna metodë, pasurimi në kurriz të qytetarëve në dobiçllëk, jeta njerëzore e pavlerë, përgjegjësia para ligjit sipas pasurisë dhe lidhjeve.
Maskarallëku që pasi të zhvatin, rrahin dhe vrasin tentojnë me deklarata zyrtare të fajësojnë viktimën është çnjerëzore dhe përbën vepër penale për pengim të drejtësisë, shpërdorim detyre!
Duhet drejtësi jo larje duarsh”, shkruan Salianji
