Qindra të rinj po protestojnë këtë pasdite tek Ministria e Brendshme për vrasjen e 25-vjeçarit Klodian Rasha nga një efektiv policie një ditë më parë.
“Pa drejtësi s’ka qetësi!”. Kjo është një nga pankartat e shumta që vërviten në ajër.
Ndërkohë protestuesit kanë qëlluar me hurma drejt ministrisë së Brendshme në shenjë revolte.
Po ashtu, ata kanë ndezur qirinj te shkallët e mistrisë në nderim të Klodianit.
Protestues të tjerë shprehen se kanë frikë edhe për jetën e tyre dhe kërkojnë drejtësi për vrasjen e 25-vjeçarit.
Gjithastu edhe qytetarët e Shkodrës kanë dalë dje dhe sot në protestë për të dënuar vrasjen e 25-vjeçarit, Klodian Rasha nga Policia e Shtetit.
Ata kanë dalë në rrugët kryesore të qytetit, dje, pas orës 22:00, duke thyer dhe urdhrin e policisë.
Protestuesit kërkojnë drejtësi për vrasjen e të riut në Tiranë, i cili u godit nga policia sepse kishte dalë nga banesa jashtë orarit policor.
