Imunologu i njohur, Genc Sulçebe, u shpreh mbrëmjen e sotme në emisionin “Arena” se nëse vaksina nis shpërndarjen në janar, në pranverë situata do të përmirësohet ndërsa në verë do të shpëtojmë nga Covid.
Sulçebe tha se vaksina është shpresë e madhe.
“Vaksina e Oxfordit ka efektivitet 70%, por rezultat i kënaqshëm pasi bëhet në 1 dozë e gjysmë. Nëse aprovohet në fund të dhjetorit, në janar nis shpërndarja. Nga kjo vaksinë përfiton edhe Shqipëria. Shpresoj të filloj sa më shpejt.
Vaksina e Pfizer dhe Moderna po aplikohet në vendet e zhvilluara, amerikanët janë të pakënaqur nga Pfizer. Ka probleme në shpërndarje sepse do ruajtje në -70 gradë. Është 5-fishi i kostos së Oxfordit.
Nëse vaksina nis shpërndarjen në janar, në pranverë situata do të përmirësohet ndërsa në verë do të shpëtojmë nga Covid”, tha Sulçebe.
