Juventusi ka fituar në “Camp Nou” ndaj Barcelonës me rezultatin 2-3 në ndeshjen e javës së fundit të fazës së grupeve të Ligës së Kampionëve.
Italianët u treguan cinikë ndaj një Barçe me shumë probleme në fazën e mbrojtjes dhe konfuzë përpara portës kundërshtare. Dy gola për Juventusin i shënoi Cristiano Ronaldo nga pika e bardhë e penalltisë në minutat 13-të dhe 52-të të ndeshjes, duke vazhduar traditën e të shënuarit në fushën mitike të katalanasve.
Goli tjetër për bardhezinjtë u shënua nga Weston McKennie në minutën e 20-të. Me këtë fitore, Juventus i rrëmben Barcelonës vendin e parë në grupin G, ndërsa të dyja skuadrat kalojnë në fazën tjetër.
