Sot nisi aplikimi i testeve të shpejta, ndërsa kopshtet, shkollat, burgjet, shtëpi fëmije, të moshuarish, qendra pritje janë të parat ku ato do të aplikohen, dy javët në vijim.
Personat e tjerë të dyshuar duhet të plotësojnë disa kushte. Epidemiologu Rexhep Muja shprehet për Abcnews se e gjithë popullata që kanë këtë klinikë, 1 deri në 5 ditët e para po ashtu edhe të sëmurët kronikë, do të mund të kenë mundësi për testimin e shpejtë. Po ashtu përfitojnë institucionet ku mendojmë se ka mundësi infektimi.
“Nga sot deri më 20 dhjetor do të jemi duke bërë përgatitje, më pas do të futet në rol mjeku i familjes”, u shpreh ai.
Testet e shpejta fillimisht do të aplikohen në Tiranë, vatrën kryesore të koronavirusit në Shqipëri, dhe shtatë zona të nxehta të përhapjes së infeksionit.
Astiri, Lapraka, Kamza, Paskuqani, Kombinati, ish-Blloku dhe Fresku, tregon epidemiologu Muja, kanë numrin më të lartë të personave me koronavirus dhe për këtë ai ka një shpjegim.
“Mesa duket atje nuk respektohen masat anti-covid. Më bën përshtypje sepse nuk shkon pa pasur 10 deri në 12 të sëmurë të tillë të dyshuar, kryesisht mosha 25-55 vjeç janë më të prekura.
