Më shumë se një e treta, ose 35 përqind e britanikëve, nuk ka gjasa të vaksinohen kundër koronavirusit, tregoi studimi.
Një total prej 48 përqind e britanikëve janë të shqetësuar se vaksina nuk është e sigurt, ndërsa 47 përqind e tyre janë të shqetësuar se nuk do të jetë efektive, sipas një sondazhi të kryer nga Opinium për gazetën Observer.
Më shumë se gjysma, 55 përqind e të anketuarve deklaruan se ishin të shqetësuar për efektet anësore të vaksinimit.
Megjithatë, vetëm 20 përqind thanë se nuk do ta merrnin vaksinën kur të vihej në dispozicion, dhe nëse qeveria rekomandon vaksinimin.
Kjo është më pak se dy javë më parë, kur 24 përqind e të anketuarve thanë të njëjtën gjë.
Ministria Britanike e Shëndetësisë njoftoi se vaksina do të jetë në dispozicion nga e marta.
Sasia e parë e vaksinës nga Pfizer dhe BioNTech arriti të enjten e kaluar dhe rreth 800,000 doza do të jenë në dispozicion në MB javën e ardhshme.
Qeveria ka porositur 40 milion doza të vaksinës, mjaftueshëm për 20 milion njerëz, të cilët do të marrin dy doza me 21 ditë diferencë.
Vaksina së pari do t’u jepet punonjësve shëndetësore dhe atyre që shërbejnë ose strehohen në shtëpitë e pleqve, pastaj atyre me mbi 80 vjeç.
Pastaj është radha e atyre mbi 75 vjeç, dhe më pas atyre mbi 70 vjeç, si dhe grupeve më të rrezikuara të njerëzve, të ndjekur nga ata mbi 65 vjeç, dhe më pas grupmoshës nga 16 në 64 vjeç.
