Takimi Udineze-Atalanta e vlefshme për javën e 10-të të Serie A është shtyrë në një datë të papërcaktuar.
Shkak janë bërë reshjet e dendura të shiut në stadiumin “Dacia Arena”, teksa edhe pas tentativave të shumta të arbitrave dhe delegatëve të sfidës.
Fillimisht kjo ndeshje u shty për 30 minuta, më pas edhe për 15 minuta të tjera, për t’a kuptuar zyrtarisht se çfarë do të ndodhte me fatin e këtij takimi.
Nuk dihet ende se kur mund të luhet kjo sfidë, duke parë ngjeshjen e shumtë të kalendarit për shkak të fillimit me vonesë të kampionatit për arsye të gjendjes së koronavirusit, por mesa flitet në mediat italiane thuhet se ky takim mund të luhet në mesin e muajit janar.
