Kukësi ka mposhtur 1-0 Apoloninë në ndeshjen e luajtur në “Elbasan Arena”. Goli i fitores për verilindorët u realizua në minutën e 78-të me anë të Patrick Friday.
Sulmuesi nigerian, nuk e kishte të vështirë ta dërgojë topin në rrjetë pas një pasimi perfekt të marrë nga Kuper në krahun e djathtë për të kaluar në avantazh verilindorët.
Kukësi merr kështu fitoren e dytë radhazi, ndërsa Skënder Gega e feston me fitore rikthimin e tij në skuadër pas mposhti Covid-19.
Nga ana tjetër sfida mes Teutës dhe Kastriotit u mbyll në barazim 1-1. Të dy golat u shënuan në minutat e fundit të takimit. Të parët në avantazh kaluan miqtë. Henry Okebugwu ishte autori i golit, i cili realizon me një gjuajtje të saktë në hyrje të zones në minutën e 83-të.
Reagimi i Teutës erdhi vetëm 2 minuta më vonë me autor të golit Lorenco Vila. Sulmuesi 21-vjeçar realizon një gol mjaft të bukur duke shmangur humbjen e skuadrës.
