Kreu i PD, Lulzim Basha, në një takim me të rinjtë në Kukës, tha se qeveria duhet të ishte menduar dy herë për procesin mësimor online.
Studentët thanë se në shkolla nuk kanë kushte, dezinfektuesit dhe çdo gjë tjetër e blejnë vetë. Studentët thanë se tarifat e shkollimit janë të larta, ndërsa konviktet janë pa kushte.
Gjithashtu ata thanë se ikin jashtë shtetit pasi këtu nuk kanë asnjë mundësi. Kreu i PD theksoi se prioritetet e tij janë arsimimi dhe punësimi.
Basha tha se do të ulë taksat, çmimet e energjisë dhe karburanteve.
Më tej, lideri demokrat tha se universitetet shqiptare do të jenë promotorë të zhvillimit, dijes dhe kulturës.
Lulzim Basha, tha se ka çdo plan, ndërsa i duhet ndihma e studentëve për ta bërë një të ardhme të mirë realitet.
“Siç kemi bërë realitet Rrugën e Kombit, heqjen e vizave, ashtu do bëjmë realitet planin tonë për Shqipërinë e zhvilluar.”-tha Basha.
