Ish-ministri austriak i Financave, Karl Heinz Grasser është shpallur fajtor për korrupsion dhe abuzim me pushtetin. Politikani i ekstremit të djtathtë mund të dënohet me deri 10 vite burgim për krimin.
Vendimi erdhi në fund të një gjyqi tre vjeçar ku janë përfshirë dhe 14 të pandehur të tjerë. Grasser u shpall fajtor për zbulim të informacioneve të brendshme për një investitor privat përpara shitjes së 60,000 vendbanimeve nga qeveria austriake në vitin 2004.
Grasser informoi partnerin e tij për shumën minimale të nevojshme për një shitje, duke lejuar blerësin që të tejkalojë vetëm pak konkurrencën dhe të sigurojë blerjen. Kështu politikani përfitoi rreth 9,6 milionë euro, ekuivalente me 1% të çmimit të shitjes prej 961 milionë euro.
51-vjeçari shërbeu si ministri më i ri i Financave i Austrisë në vitet 2000-2007 në qeverinë e koalicionit e cila përbëhej nga vetë partia e tij e djathtë ekstreme nacionaliste Austriake e Lirisë (FPÖ) dhe Partia Konservatore e Austrisë (VPV).
Kancelari austriak në kohën e incidentit ishte Ëolfgang Schüssel, i cili dha dorëheqjen nga politika në 2011 pas një sërë skandalesh korrupsioni që përfshinte dhe Karl-Heinz Grasser. /DW
