Shoqërimi në Gjykatën Speciale të Hagës të figurave kryesore të politikës kosovare dhe UÇK-së, ngjalli reagime të shumta, ku u kërkua drejtësi.
Kryeministri i Kosovës, Avdullah Hoti ka thënë se shoqërimi në Gjykatën Speciale të Hagës figurat kryesore politike të Kosovës, ka shkaktuar një ngërç politik në Kosovë.
Për Ora News, Hoti ka treguar se ky proces ka ndikuar shumë në ecurinë e politikës kosovare, duke shpresuar që sa më shpejt të ketë drejtësi.
“Kërkesa ime si kryeministër është që drejtësia të vendoset sa më shpejt. Në mesin e figurave që janë marrë është edhe presidenti. Ne duhet të zgjedhim në Kuvend të riun me 80 vota, 2/3 e deputetëve. Ky koalicion mazhoritar ka shumicën, por jo 2/3 e votave. Si koalicion qeverisës duhet të ulemi me opozitën për të parë vullnetin e tyre. Po bëjmë disa konsulta të nevojshme për të organizuar tryezën e parë politike.“-tha Hoti.
