Kryeministri Edi Rama, në cilësinë e Kryetarit të rradhës së OSBE, duke folur në Ministerialin e kësaj organizate, ka pranuar dështimet.
Rama u shpreh se ky ishte një vit i vështirë për të gjithë, por ishte një debutim absolutisht dinjitoz i Shqipërisë në krye të OSBE.
“Shqipëria raporton për misionin e drejtimit njëvjeçar të OSBE dhe arrin pas shumë përpjekjesh në vakuumin e krijuar prej moszgjedhjes së katër sekretarëve të organizatës, konsensusin mes vendeve anëtare për zgjedhjen e tyre, në prag të mbylljes së mandatit të kryesimit.
Një vit tejet sfidues dhe një debutim absolutisht dinjitoz i Shqipërisë në krye të OSBE“, shkruan Rama .
Kryeministri është shprehur se ky ishte një vit sfidues sidomos për përhapjen e Covid 19 ku kanë humbur jetën miliona njerëz, ndërkohë ka theksuar dhe zhvillimet më të fundit në disa vende të botës.
