Koronavirusi dhe Skënderi si “virusi” i propagandës

Nga Boldnews.al

Kur spitalet janë të tejmbushura, shifrat e qyterëve që humbin jetën rriten çdo ditë dhe Covid-19 është kthyer në makthin më të madh në vend, qeveria ka si “xhol të propagandës” një personazh i cili bën virologun, ekspertin e urgjencës, politikanin që mbron pushtetin, propaganduesin e “arritjeve imagjinare”, kundërshtuesin e çdo zëri kritik dhe mbrojtësin e paepur të kryeministrit, deri në “flijim” të dinjtetit të tij (gjithnjë neës e ka diçka të tillë).

Është e kuptueshme se bëhet fjalë për Skënder Bratajn, drejtorin e Urgjencës Kombëtare, i cili më shumë se në terren për të punuar, (pa tam-tame propagandistike), shfaqet në çdo media, futet në çdo dritare dhe vetëofrohet për të bërë gjithologun e ekspertit dhe kur nuk ia arrin për shkak të mangësive profesionale, fut në lojë pjesën e zhurmuesit dhe cinikut, ku këtë të fundit, për të mos ia ngrënë hakun, di ta bëjë shumë mirë.

Skënderi si pjesë e Grupit të Ekspertëve, Skënderi si virolog, Skënderi si infeksionist, Skënderi në spitalet Covid, Skënderi në ERTV-në e Ramës, Skënderi në rrjetet sociale, Skënderi kudo, sepse Skënderi është imazhi mashkull i propagandës, pasi atë femër e ka zënë Anjeza e Rilindjes.

Sot qytetarët kanë nevojë të marrin qetësi, të mësojnë mbi situatën e vërtetë që kalon vendi, të njihen me kushtet reale në spitale, të bëhet trasnparente çdo investim, masë e marrë dhe qëllim se ku do të arrihet. Të fshehur pas emrit të “eskpertëve”, drejtues të qeverisë nxjerrin në ballë të parë një luguni propagandistike, që më shumë se të flasin me fakte dhe qetësi, vetëofrohen në një histerizëm llafologjishë që në fund kanë si qëllim shmangien e problematikës dhe përgjegjësive.

Në fillim Skënder Brataj u pompua si personi që ka “transformuar” shërbimin e urgjencës. Më pas edhe kur u infektua me koronavirus, qëndronte aktiv në rrjetet sociale duke e pasur propagandën si “kurën” kryesore kundër Covid-19.

Në kohët e fundit Skënderi ka marrë edhe një rol tjetër, atë të përhapësit të imazheve surreale, duke qëndrur me orë të tëra si pjesë e propagandës para kamerave qeveritare, për të treguar sipas tij arritjet. Skënderi nuk e ka për gjë që të fyejë edhe kolegun, vetëm se ai e kundërshton nismat pa efekt, apo kritikon punën e qverisë. Ka një lloj vetëviktimizimi, të cilën e përdor si mbrojtje, për të dhënë imazhin e stisur në publik se ai dhe kolegët e tij në qeveri po punojnë dhe mbi ta po hidhet baltë padrejtësisht.

LEXO EDHE  Djemtë e Tom Doshit dhunojnë moderatorin e njohur, policia fsheh ngjarjen! Detajet

Vendi ka nevojë për mjekë që sakrifikohen në shërbim të njerëzve dhe të tillë ka shumë, që nuk ndihen, që janë në çdo kohë në shërbim të qytetarëve dhe që pasi përballën me sëmundjen shkojnë në banesë me rrezikun që mund të jenë infektuar. Ka shumë mjekë që kanë humbur jetën, por për ta vetëm pak rreshta “dhimbjeje” vjen nga Ministria e Shëndetësisë, për t’ia lënë në duar pjesën e mbrojtjes së gjithçkaje shkon keq individëve që kanë harruar se çfarë është profesioni.

Para se mjekët të emërohen në detyrën fisnike, bëjnë betimin. “Në çastin kur po hyj në radhët e anëtarëve të profesionit mjekësor premtoj solemnisht se jetën time do ta vë në shërbim të njerëzimit. Ndaj mësuesve do ta ruaj mirënjohjen dhe respektin e duhur. Profesionin tim do ta ushtroj me ndërgjegje e me dinjitet. Shëndeti i pacientit tim do të jetë brenga ime më e madhe. Do t’i respektoj e do t’i ruaj fshehtësitë e atij që do të më rrëfehet. Do ta ruaj me të gjitha forcat e mia nderin e traditës fisnike të profesionit të mjekësisë. Kolegët e mi do t’i konsideroj si vëllezër të mi. Në ushtrimin e profesionit ndaj të sëmurit tek unë nuk do të ndikojë përkatësia e besimit, e nacionalitetit, e racës, e politikës, apo përkatësia klasore”….

Kjo është një pjesë e Betimit të Hipokratit, por një sërë e individëve në vendin tonë që mbajnë veshur bluzën e bardhë, duket se e kanë harruar. Sot i rëndësishëm është shëndeti i qytetarit, atij që ka nevojë për shërbim mjekësor, pa i parë ngjyrën e lëkurës, statusin social, xhepat apo përkatësinë politikë. Ka rëndësi jeta e çdo individi dhe jo jetëgjatësia e një pushteti, cilido qoftë ai dhe çdongjyrë të ketë ai.

Skënderi që bën çdo rol si “eskpert” në fakt tani e ka kuptuar se ka humbur një shans të mirë për të bërë role dramatike dhe tragjikomike në filmat e “Kinostudios Rilindja”. Është mjeshtër i propagandës dhe në fundin e kësaj pandemie, që gjithëkush do ta uronte të kalojë sa më shpejt, Neri duhet shpallur “mjeshtër i madh i gjithologjisë”!