Trajneri i Kukësit, Skënder Gega, i cili prej ditësh po trajtohej në një nga spitalet e Turqisë, për shkak të komplikacioneve që iu krijuan nga Covid-19, është shëruar.
Gjendja shëndetësore e teknikut të Kukësit, i cili u trajtua në kushte shtëpie u përkeqësua, ndërsa u dërgua drejt Turqisë për një trajtim më të specializuar.
Trajtimi në Turqi ka shkuar shumë mirë dhe sot Kukësi ka njoftuar lajmin e madh për trajnerin e tyre.
Skënder Gega është shëruar thuajse plotësisht dhe ka marrë lejen e mjekëve për tu kthyer në Shqipëri. Trajneri
mbërrin sot në aeroportin e Rinasit.
“Trajneri Skënder Gega ka lënë sot spitalin! Duke parë ecurinë pozitive, efektin dhe rezultatet pozitive të terapisë, doktorët kanë dalë në konkluzion dhe falë progresit pozitiv që ka qenë shumë i shpejtë duke rregulluar të gjitha parametrat, është lejuar të fluturojë drejt Tiranës. Gega mbërrin sot në Rinas në gjendje shumë të mirë shëndetësore dhe shumë shpejt do t’i bashkohet ekipit”, thuhet në njoftimin e klubit të Kukësit.
