Tirana mendon që tani të përforcojë mbrojtjen. Kampionët në fuqi kanë shfaqur problem këtë sezon, ndërkohë që tani jashtë planeve ka dalë edhe mbrojtësi Kristi Vangjeli.
Korçarit i është ofruar pozicioni i trajnerit te Tirana U19 dhe sigurisht që nuk ka pranuar.
Drejtuesit ndërkohë kanë bërë lëvizjet e tyre dhe sipas asaj që raporton “Panorama Sport” në stërvitje ka zbarkuar një mbrojtës qendre, i cili në fakt luan edhe si qendërmesfushor.
Bëhet fjalë për Jocelin Behiratche, një 20-vjeçar që ka qenë pjesë e Giorgione Calcio, që ka garuar edhe në Serie D në Itali. Tani garon në ligat rajonale.
Futbollisti nga Bregu i Fildishtë është vënë nën urdhrat e trajnerit Dede dhe tani duhet të bindë me cilësitë e tij, që të nënshkruajë një kontratë me kampionët në fuqi.
