Është mbyllur në barazim 1-1 ndeshja midis Atletico Madrid dhe Bayern Munich, e vlefshme për raundin e parafundit të fazës së grupeve në Ligën e Kampioneve.
Fillimisht në avantazh kaluan madrilenët me anë të Joao Felix në minutën e 26-të të takimit. Pjesa e parë do të mbyllej me këtë rezultat, mirëpo 4 minuta para përfundimit të pjesës së dytë, Tomas Muller barazoi shifrat me anë të një penalltie, duke I hequr mundësinë skuadrës së Simeones për të siguruar kualifikimin.
Tashmë, Atletico Madrid shkon në kuotën e 6 pikëve, duke u renditur në vendin e dytë. Ndërsa Bayern Munich shkon në kuotën e 13 pikëve dhe ndodhet në vendin e parë të renditjes.
Bavarezët e kanë siguruar kualifikimin, ndërsa për “Los Colchoneros” java e fundit do të jetë vendimtare, pasi përballen me Salzburgun (4 pikë) e vendit të tretë.
Rezultatet e mbrëmjes së sotme në Ligën e Kampioneve.
